موضوع: ألعاب تنصح بشرائها وألعاب ندمت انك اشتريتها يرجى من جميع الأعضاء المشاركة الجمعة 22 أبريل 2011, 12:14 pm
فكرة الموضوع ان كل واحد يدخل يقول الألعاب اللى اشتريها وبينصح بيها ويكتب تقرير صغير عن كل لعبة ورأيه فيها ويكتب الألعاب اللى ندم انه اشتريها ويقول عيوبها
طبعا أى عاشق للعبة اشترى كان سبب شرائه الأساسى لبلاى ستيشن 3 عشان اللعبة طبعا دى احسن لعبة نزلت على الجهاز بس محدش يلعبها الا ما يكون لعب الأجزاء اللى فاتت وفهمها كويس ولازم اللى يلعبها يكون بيفهم انجليزى كويس لان المحادثات اللى فى اللعبة وفى الأفلام أكتر من الجيم بلاى نفسه فيها مفاجآت رهيبة وفيها حتت بتدل ان مخرج اللعبة دى بجد عبقرى زى نهاية اللعبة وأول تشابتر Shadow Moses والذكريات أكيد اللى لعبها فاهم أنا أقصد ايه ده غير ألحان اللعبة الرهيبة والجرافيك الجبار واللى حتبان قوته فى شادو موسيس فى التلج عيب اللعبة الوحيد اللاج اللى فى الأونلاين
بتدور أحداث اللعبة فى سنة 2001 شخصية اللعبة niko bellic القادم من شرق أوروبا بيوصل لبلد الحريات أمريكا فى ليبرتى سيتى اللى هى نيويورك على سفينة وبيقابل هناك قريبه اللى بقاله عايش هناك 10 سنين المفروض انه كان بيراسله ومفهمه انه اتغنى وعايش فى قصر وعنده عربيات سبور وكدة بيفوجىء نيكو انه عايش فى شقة قذرة فى حى فقير وبيبتدى يبحث عن شغل وبيروح لعالم الاجرام وتجارة المخدرات كفاية على القصة مش عاوز احرقها وحتكلم عن مميزات اللعبة اللعبة مافيهاش غلطة فى تفاصيل صغيرة جدا مهتمين بيها زى آثار مس-------ت العربية على الزجاج ولما العربية بتتخبط خبطة بسيطة فى خدوش بتبان على العربية والبوية بتتقشر مع الوقت العربية بيظهر عليها تراب لو عملت حدثة جامدة حتلاقى نيكو حيطير من الازاز الأمامى من الخبطة الجامدة الأغانى الموجودة فى اللعبة كالعادة رهيبة لأول مرة يكون فى اللعبة عربيات كبيرة SUV فى مهمات بتيح ليك اللعبة اختيارين مثلا واحد بعتك تقتل واحد بيبقى قدامك الخيار تقتله ولا تسيبه واللعبة نفسها لها نهايتين فى أصدقاء ليك فى اللعبة تقدر تكلم أى حد على الموبايل وتدعوه تروح تلعب معاه بولينج بلياردو أكل وحاجات كتير أكتر حاجة عجبتنى فى اللعبة السيناريو بتاع اللعبة خصوصا فى المحادثات مع bruice الميزة الأكبر فى اللعبة هى طول قصة اللعبة ده غير المهمات الجانبية والأونلاين والتروفيز يعنى كأنها لعبة ب3 لعب تحذير ان اللعبة فيها ألفاظ خارجة
من أملل الألعاب اللى لعبتها وقصتها سطحية واللعبة مليانة أخطاء محدش ينخدع بتقييمها وحارم يتدفع فلوس ومش حتكلم أكتر من كدة فى اللعبة متستحقش انى اتعب نفسى واتكلم عنها اكتر من كدة
لعبة سطحية جدا نظامها زى الألعاب القديمة أوى اقتل اعداء عاديين بعد كدة boss وهكذا لحد آخر اللعبة وقصتها سطحية جدا برضه الميزة الوحيدة اللى فيها ان اللعبة مستخدمة ال sixaxis فى حتت كتيرة
لعبة الراسينج الوحيدة اللى لعبتها على بى اس 3 رأيى فيها انها جميلة خصوصا ان موديلات العربيات اللى فيها وفيها عربيات نادرة زى ford boss 62 وشيفرليه كامارو وأكتر حاجة عجبتنى فيها الأغانى
عشان تعجب اللعبة دى أى حد لازم ينسى انها رزدنت ايفل لانها مختلفة تماما عن السلسلة تعتبر اكشن مش survival horror لان مافيهاش حتة واحدة رعب اللعبة جيدة لكن مش ممتازة ومتتقارنش بالجزء الرابع التجسيم فى اللعبة رهيب والجرافيكس فى أول لعبة لو حد لاحظ ملامح الناس عملة ازاى ولاحظ بيبصو على كريس ازاى بعين ونص ولما يهجمو على كريس ملامحهم بيبقو كأنهم متنرفزين وعايزين يقتلوه ميزة كبيرة فى اللعبة برضه هى اللعب على 2 مع واحد على نفس الجهاز أو واحد فى جهاز تانى عن طريق النت أكتر حاجة زعلتنى ان نظام التحديث وشراء الأسلحة وبيعها بيقى من قائمة فى اللعبة مش ميرشانت زى الجزء الرابع وبحس ان اللعبة عاملة زى أفلام أرنولد اللى بيخش فيها برشاش بيقتل جيش
ألعاب تنصح بشرائها وألعاب ندمت انك اشتريتها يرجى من جميع الأعضاء المشاركة
الْمَشِارَكِات
بلدى
الْنِّقَاط
موضوع: ألعاب تنصح بشرائها وألعاب ندمت انك اشتريتها يرجى من جميع الأعضاء المشاركة 
الجمعة 22 أبريل 2011, 12:14 pm
ولما يهجمو على كريس ملامحهم بيبقو كأنهم متنرفزين وعايزين يقتلوه ميزة كبيرة فى اللعبة برضه هى اللعب على 2 مع واحد على نفس الجهاز أو واحد فى جهاز تانى عن طريق النت أكتر حاجة زعلتنى ان نظام التحديث وشراء الأسلحة وبيعها بيقى من قائمة فى اللعبة مش ميرشانت زى الجزء الرابع وبحس ان اللعبة عاملة زى أفلام أرنولد اللى بيخش فيها برشاش بيقتل جيش 
