موضوع: كيفية عمل تشجيعات الجماهير وتركيبها داخل اللعبة للبرو الجمعة 18 فبراير 2011, 2:20 pm
السلام عليكم ورحمه الله وبركاته انا عملت لكم انهاردة شرح عن كيفية عمل التشجيعات الخاصة بالبرو 6 وكيفية تركيبها داخل اللعبة وايضا نفس الكلام بالنسبة للموسيقى التى توجد داخل اللعبة
الموضوع هنا خاص بعمل التشجيعات واركيبها على الزيرو سوند الملحق رابطه بالموضوع تحت وذلك بالنسبة لموسيقى داخل اللعبة ايضا
اما لو عايز تبرمج التشجيعات بارقام اخرى او على زيرو سوند اخر انتظر شرح اخر فى قسم الشروحات الخاصةبالباتشات ان شاء الله
اولا قبل اى شئ لازم يكون عندك ملف الزيرو سوند الاصلى علشان يكون فيه تشجيعات الجماهير والاغانى وانت تغير عليه اما الزيرو سوند العادى اللى حجمه لا يتعدى 30 ميجا ده مش هيشتغل خالص عليه التشجيعات حتى لو جبتها وركبتها
نبدأ فى الشرح:- هناخد فكره عن الموضوع بيتعمل ازاى الاول علشان وانا بشرح تكونوا فاهمين الشرح كله
دلوقتى كل الملفات اللى موجوده داخل الزيرو سوند بصيغة adx ودى صيغة تشغيل موسيقى وكل ملف له رقم متسجل جوه الزيرو سوند بتاع اللعبة يعنى مثلا الملف ده unknow_00010.adx له رقم 10 الرقم ده متسجل جوه ملف الدات انه بيشتغل لما تدخل الملعب والفرق بتنزل بيشتغل طيب ونفس الكلام بالنسبة لتشجيعات الجماهير كل ملف له رقم والرقم ده بيكون خاص بفريق معين يشتغل والفريق بيلعب بس فى مشكلة ان الفرق كتير والملفات اللى فى الزيرو سوند عددها صغير فقاموا بعمل تشجيع موحد لاكثر من فريق وده احنا مش عايزينه يبقى احنا هنركب التشجيعات الجديدة فى الزيرو سوند وبعدين هندخل نغير الارقام بتاعت الفريق بحيث نخلى التشجيعات بتاعت الفرق اللى احنا عايزنها مش لاى فريق تانى غيرهم
نبدا شرح اعمل التشجيعات عن طريق برنامج dkz باستخدام احد البرامج الملحقة معه:-
1-انت هتجيب التشجيعات اللى انت عايز تركبها بحيث يكون طول التشجيع كحد اقصى له دقيقة واحده علشان مش يكون ممل جوه اللعبة ويكون كبير اوى 2-هتحول التشجيع لصيغة wav باى برنامج تحويل صوت الصيغة دى صيغة صوت مش صيغة فيديو 3-هتقوم بتسميه التشجيعات زى مانا هحط لك فى الموضوع هنا 4-كل فريق له 5 تشجيعات فقط مسموح بها جوه اللعبة 5-انت هتقوم بعمل الخمس شعارات بصيغة wav وبعدين هتسميهم بارقام متتالية من الارقام القادمة(لازم يكونوا متتاليين) 6-الارقام هى:-
7-هنتكلم على نادى الزمالك مثلا:- انت هتسمى التشجيعات الخمسة زى الاسماء اللى فوق وكلهم هيكونوا بصيغة wav وهتعمل الفرق اللى انت عايز تعملها بردك بنفس الطريقة عادى حسب الماب اللى فوق وهتحطهم كلهم فى فولدر واحد 8-هتفتح الdkz وبعدين هتقوم بفتح البرنامج الملحق اللى فى الصورة دى 9- هتعمل زى الصورة دى هتختار ماكن التشجيعات اللى انت عملتها وهتختار المكان اللى هتحولها فيه خلى اسمه 0_sound 10-كده يبقى انت عندك التشجيعات جاهزة هتروح الفولدر اللى انت اختارت يتحفظوا فيه هتلاقيهم هناك بصيغة adx زى اللى جوه الزيرو تكست 11-الخطوة الجاية هتحوله لباتش يتركب على الزيرو سوند اللى عند اى شخص انت حفظت التشجيعات فى فولدر اسمه 0_sound هتحط الفولدر ده فى اى فولدر له اى اسم وعدين هتفتح الdkz وهتختار file---open folder وبعدين هتفتح الفولدر اللى انت حاطط جواه الفولدر الاول 0_sound هتظهر لك الصورة كده هتحفظه ويبقى انت كده عملت باتش تشجيعات منتخب مصر وهكذا كل فريق هتعمله بنفس الطريقة بس حسب الارقام اللى فى الماب اللى فوق
يبقى كده انت خلاص لو حملت الزيرو سوند اللى فوق والماب واشتغلت على الماب هتلاقى الماب متوافقة مع الزيرو سوند بالضبط
اما لو انت عندك زيرو سوند غير ده وعايز تضبط الارقام عليه او تغير الارقام براحتك انتظر الشرح القادم ان شاء الله
وبالنسبة لموسيقى بداية اللعبة هيكون الشرح فى الرد القادم بس لسه مش هعمله دلوقتى انتظروا الشرح قريبا روابط التحميل:-
الْمَشِارَكِات
بلدى
الْنِّقَاط
موضوع: كيفية عمل تشجيعات الجماهير وتركيبها داخل اللعبة للبرو 
الجمعة 18 فبراير 2011, 2:20 pm
